Munandi broytingar í einari góðkendari granskingarverkætlan skulu fráboðast Vísindasiðseminevndini við eini ískoytisprotokoll.
Broytingar kunnu bert verða settar í verk, tá ið Vísindasiðseminevndin hevur góðkent ískoytisprotokollina og tilhoyrandi tilfar.
Niðanfyri finnur tú kunning, vegleiðing og ískoytisprotokoll.
Munandi broytingar eru t.d. broytingar, sum kunnu hava týdning fyri trygdina hjá luttakarunum, grundarlagið undir verkætlanini, leingjan av loyvi, nýtsla av dátum og úrslitum, framferðarháttur ella leiðsla av verkætlanini.
Hetta kann til dømis vera broytingar viðvíkjandi:
Tær vanligastu broytingarnar í einari granskingarverkætlan og tær broytingar, sum verða mettar at verða munandi og sostatt fráboðanarskyldugar eru settar í ein vegleiðandi lista, sum er at finna her Listi Vanl Broytingar
Listin er ikki fullfíggjaður, og ábyrgdarhavandi fyri verkætlanini hevur altíð ábyrgdina av at fráboða munandi broytingar til Vísindasiðseminevndina.
Um nýggj vitan kemur um virknað, hjáárin, fylgir ella vansar við royndini, ella um royndarsniðið í granskingarverkætlanini verður munandi broytt, skal luttakarin kunnast um hetta, og nýtt samtykki skal fáast.
Ein ískoytisprotokoll skal hava sama samleika sum høvuðsprotokollin. Er talan um størri broytingar, kann talan verða um eina nýggja granskingarverkætlan, sum skal fráboðast sjálvstøðugt.
Hetta kann til dømis vera, um endamálið við verkætlanini verður broytt, ella um meira víðfevndar broytingar verða gjørdar í royndarsniðinum. Sí upprit
Ert tú í iva um, hvørt broytingin kann metast sum ein ískoytisprotokoll, eigur tú at seta teg í samband við Vísindasiðseminevndina.
Fráboðan um broytingar skal sendast Vísindasiðseminevndini (nevndarlógin § 27, stk. 2).
Broytingin verður fráboða við at fylla út oyðublaðið "ískoytisprotokoll" og viðhefta niðanfyristandandi skjøl, sum pdf-fílur:
Nýggj og dagførd skjøl skulu verða merkt við dagfesting og útgávunummari, so til ber at skyna á nýggjum og áður góðkendum útgávum.
Ískoytisfráboðanir verða vanliga viðgjørdar so hvørt tær koma inn og tí er ongin freist fyri fráboðan av ískoytisprotokollum.
Vísindasiðseminevndin hevur eina málsviðgerðarfreist á í mesta lagi 35 dagar fyri eina rætt uppsetta og fullfíggjaða ískoytisfráboðan.
