Vísindasiðseminevndin er tann føroyska økisnevndin hjá National Videnskabsetisk Komité í Danmark.
Vísindasiðseminevndini viðger heilsuvísindaligar granskingarverkætlanir har heilsudátur, menniskjur ella menniskjaligt lívfrøðiligt tilfar verður nýtt.
Í heilsuvísindaligum granskingarverkætlanum er viðhvørt tørvur á royndarpersónum, fyri at fáa nýggja virðismikla vitan, sum ikki kann fáast á annan hátt.
Uppgávan hjá Vísindasiðseminevndini er at tryggja at heilsuvísindaligar- og heilsudátuvísindarligar granskingarverkætlanir verða framdar á sømiligan vísindasiðsemiligan hátt. Atlit til rættindi og tryggleika hjá royndarpersónum skulu takast fram um vísindalig og samfelagslig áhugamál í heilsugransking.
Vísindasiðseminevndin hevur 7 limir, harav 3 fakfólk við granskingarroyndum innan heilsuvísindi og 4 leikfólk. Harafturat er 1 varafaklimur og 2 varaleiklimir.
Limirnir verða valdir fyri 4 ár í senn, tá tað er løgtingsval.
Vísindasiðseminevndin varð seinast vald í juni 2026.